ప్రభాస్ నెక్స్ట్ టైటిల్ జానూ

12 Jan,2019

బాహుబలి’ తర్వాత ప్రభాస్ ‘సాహో’ చిత్రాన్ని మొదలు పెట్టాడు. సాహో భారీ బడ్జెట్ చిత్రం అవ్వడంతో పాటు భారీ యాక్షన్ మూవీ అవ్వడం వల్ల చాలా సమయం తీసుకుంటుంది. ఈ సమయంలోనే జిల్ ఫేమ్ రాధాకృష్ణ దర్శకత్వంలో ప్రభాస్ మరో సినిమాను చేస్తున్నాడు. ఈ చిత్రం పీరియాడిక్ మూవీ అంటూ ప్రచారం జరుగుతుంది. ప్రేమ కథతో రూపొందుతున్న ఈ చిత్రాన్ని యూవీ క్రియేషన్స్ లో వంశీ మరియు ప్రమోద్ లు నిర్మిస్తున్నారు. ఇక ఈ చిత్రంపై గత కొన్ని రోజులుగా మీడియాలో వార్తలు వస్తున్నాయి.
తాజాగా ఈ చిత్రంకు ‘జాను’ అనే టైటిల్ దాదాపుగా ఖరారైందంటూ క్లారిటీ వచ్చేసింది. ఈ టైటిల్ పై ప్రభాస్ బాగా ఆసక్తి చూపించినట్లుగా తెలుస్తోంది. జాను టైటిల్ రెండు అక్షరాల టైటిల్ అవ్వడంతో పాటు - జాను అంటే హిందీలో డార్లింగ్ అనే అర్థం వస్తుంది.
ప్రభాస్ కు జోడీగా పూజా హెగ్డే హీరోయిన్ గా నటిస్తోంది. ఒక విభిన్నమైన ప్రేమ కథతో రూపొందుతున్న ఈ చిత్రంను 2020 సంక్రాంతికి ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నట్లు టాక్ .