నితిన్ తో రకుల్ జోడి

27 Dec,2018

వరసగా టాప్ హీరోలతో సినిమాలు చేసి స్టార్ హీరోయిన్ గా మారిన రకుల్ కు 'స్పైడర్' ఇచ్చిన షాక్ తర్వాత ఎందుకో తెలుగు సినిమాలు సైన్ చేయడం తగ్గించింది. తమిళం.. హిందీ పై ఎక్కువగా ఫోకస్ చేస్తోంది. రకుల్ ప్రస్తుతం మూడు తమిళ సినిమాలు.. రెండు హిందీ చిత్రాలు చేస్తోంది. తాజాగా తెలుగులో ఒక సినిమాకు పచ్చజెండా ఊపిందని వార్తలు వస్తున్నాయి. హీరో నితిన్ ప్రస్తుతం రెండు సినిమాలు లైన్లో పెట్టాడు. ఒకటి వెంకీ కుడుముల దర్శకత్వంలో తెరకెక్కుతుంది. ఈ సినిమాలో రష్మిక మందన్న హీరోయిన్. ఈ సినిమా కాకుండా నితిన్ చంద్రశేఖర్ యేలేటి దర్శకత్వంలో మరో సినిమా చేసేందుకు గ్రీన్ సిగ్నల్ ఇచ్చాడట. ఈ సినిమాలో హీరోయిన్ పాత్రకు నిర్మాతలు రకుల్ ను సంప్రదించారని.. పాత్ర నచ్చడంతో రకుల్ కూడా ఒకే చెప్పిందని టాక్ వినిపిస్తోంది. వరసగా స్టార్ హీరోలతో నటిస్తున్న రకుల్ ఇప్పుడు కుర్ర హీరోలతో జోడి కట్టడం మాత్రం సర్ ప్రైజే. ఇదిలా ఉంటే రకుల్ మరో తెలుగు సినిమా 'వెంకీ మామ' లో కూడా నటించేందుకు చాలా నెలల క్రితమే గ్రీన్ సిగ్నల్ ఇచ్చింది.